Пра змены ў арганізацыі натарыяльнай дзейнасці Беларусі

Міністэрства юстыцыі Рэспублікі Беларусь інфармуе пра змены ў арганізацыі натарыяльнай дзейнасці Беларусі.

З 1 студзеня 2014 г. уступіў у сілу Указ Прэзідэнта Рэспублікі Беларусь ад 27 лістапада 2013 г. № 523 «Аб арганізацыі натарыяльнай дзейнасці ў Рэспубліцы Беларусь» (далей — Указ № 523).

У адпаведнасці з Указам № 523 натарыяльная дзейнасць у рэспубліцы ажыццяўляецца натарыусамі на ўмовах самакіравання і самафінансавання з захаваннем за дзяржавай функцый кантролю за яе ажыццяўленнем.

Дзяржаўныя натарыусы страцілі статус дзяржаўных служачых.

Дзяржаўныя і прыватныя натарыусы набылі адзіны статус натарыуса. Да 1 ліпеня 2014 годзе яны працягваюць ажыццяўляць натарыяльную дзейнасць на падставе выдадзеных да ўступлення ў сілу Указа № 523 сведчанняў на права заняцця натарыяльнай дзейнасцю і спецыяльных дазволаў (лiцэнзiй) на ажыццяўленне прыватнай натарыяльнай дзейнасці, тэрмін дзеяння якіх не мінуў. Пасля замены натарыусамі названых дакументаў, натарыяльная дзейнасць у Рэспубліцы Беларусь ажыццяўляецца натарыусамі, якія дзейнічаюць на падставе сведчанняў на ажыццяўленне натарыяльнай дзейнасці, якія выдаюцца Міністэрствам юстыцыі Рэспублікі Беларусь.

Натарыус мае пячатку з выявай Дзяржаўнага герба Рэспублікі Беларусь, указаннем свайго статусу (натарыус), прозвішча, уласнага імя, імя па бацьку (калі такое маецца), натарыяльнага акругі.

Арганізацыйнымі формамі ажыццяўлення натарыусамі натарыяльнай дзейнасці з'яўляюцца натарыяльныя канторы і натарыяльныя бюро.

Органам натарыяльнага самакіравання ў Беларусі з'яўляецца Беларуская натарыяльная палата.

Беларуская натарыяльная палата стварае ў абласцях і г. Мінску арганізацыйныя структуры — абласныя і Мінскую гарадскую натарыяльныя палаты.

Звесткі аб месцы знаходжання натарыяльных кантор, натарыяльных бюро, часу прыёму натарыусаў размяшчаюцца на афіцыйным сайце Беларускай натарыяльнай палаты.