Дагаворна-прававая база

У цяперашні час паміж Рэспублікай Беларусь і Іарданскім Хашыміцкім Каралеўствам падпісаныя наступныя пагадненні:

Пагадненне аб гандлёва-эканамічным супрацоўніцтве;

Пагадненне аб садзейнічанні ажыццяўленню і ўзаемнай абароне інвестыцый;

Пагадненне аб супрацоўніцтве ў галіне міжнародных аўтамабільных перавозак пасажыраў і грузаў.

Акрамя таго, заключаны шэраг міжведамасных пагадненняў, у тым ліку пагадненне паміж міністэрствамі адукацыі Беларусі і Іарданіі аб супрацоўніцтве ў галіне вышэйшай адукацыі, аб супрацоўніцтве паміж Нацыянальнай дзяржаўнай тэлерадыёкампаніяй Беларусі і тэлерадыёкампаніяй Іарданіі, аб супрацоўніцтве Беларускай гандлёва-прамысловай палаты з Федэрацыяй іярданскіх гандлёвых палат і з гандлёвай палатай г.Амана.