Дагаворна-прававая база

У цяперашні час паміж Рэспублікай Беларусь і Сірыйскай Арабскай Рэспублікай сфарміравана развітая дагаворна-прававая база двухбаковых адносін, якая ўключае каля 30 міждзяржаўных і міжурадавых пагадненняў, якія ўключаюць у сябе:

Пагадненне аб гандлёвым, эканамічным і тэхнічным супрацоўніцтве;

Согласшение аб садзейнічанні ажыццяўленню і ўзаемнай абароне інвестыцый;

Пагадненне аб пазбяганнi двайнога падаткаабкладання;

Пагадненне аб узаемнай дапамозе ў мытных справах;

Пагадненне аб супрацоўніцтве ў галіне спорту і турызму;

Пагадненне аб супрацоўніцтве ў галіне адукацыі, навукі і культуры;

Пагадненне аб паветраных зносінах;

Пагадненне аб навукова-тэхнічным супрацоўніцтве;

Пагадненне аб супрацоўніцтве ў галіне міжнародных аўтамабільных зносін;

Пагадненне аб бязвізавых паездках па дыпламатычных і службовых пашпартах;

Пагадненне аб супрацоўніцтве ў галіне вышэйшай і паслявузаўскай адукацыі.

Акрамя таго, заключаны шэраг міжведамасных пагадненняў, у тым ліку аб супрацоўніцтве ў галіне папярэджання і ліквідацыі надзвычайных сітуацый, аб развіцці супрацоўніцтва ў галіне вытворчасці і ўзаемных паставак лекавых сродкаў і медыцынскіх вырабаў.

Падпісаныя мемарандумы аб узаемаразуменні паміж Нацыянальнай дзяржтэлерадыёкампаніяй Рэспублікі Беларусь і Генеральным кіраваннем радыё і тэлебачання Сірыі, паміж ГУ «Нацыянальнае агенцтва інвестыцый і прыватызацыі Рэспублікі Беларусь» і Агенцтвам інвестыцый Сірыі, паміж Генеральнай арганізацыяй знешняга гандлю Сірыі і Нацыянальным цэнтрам маркетынгу і кан'юнктуры цэн Рэспублікі Беларусь, паміж НАН Беларусі і Міністэрствам вышэйшай адукацыі Сірыі, а таксама выканаўчыя праграмы тэхнічнага і навуковага супрацоўніцтва ў галіне сельскай гаспадаркі і ветэрынарыі.

У студзені 2022 года падпісаны Мемарандум аб узаемаразуменні паміж Міністэрствам працы і сацыяльнай абароны Рэспублікі Беларусь і Міністэрствам сацыяльных пытанняў і працы Сірыйскай Арабскай Рэспублікі па пытаннях супрацоўніцтва ў сацыяльна-працоўнай сферы.